Exposiziun permanenta

Quatter spazis mussan il Parc Naziunal da differents puncts da vista. Temas exemplarics dattan invista en l'immensa varietad da la natira. Qua tras s'avran novas perspectivas che restan uschiglio savens zuppadas.

L'exposiziun gioga cun ils elements tensiun, impressiun ed interacziun. Ella fa surstar e dat da discutar. Fatgs scientifics, dumondas filosoficas ed elements mistics van in en l'auter e dattan impuls per l'atgna visita en il Parc Naziunal. Nagin na vegn a la curta, ni ils uffants ni ils creschids. L'architectura da Valerio Olgiati reflectescha il ciclus infinit da la natira dal nascher al passar. Las visitadras ed ils visitaders pon scuvrir il Parc Naziunal sco in lieu magnific, misterius ed unic.

Audioguid
In audioguid en tschintg linguas As intermediescha infurmaziuns interessantas e detagls fascinants davart l’exposiziun permanenta.


Uffants
Sche Vus vulais visitar nossa exposiziun permanenta cun Vossa classa da scola, As stat a disposiziun different material didactic.

Cliccai sin in dals quatter spazis da colur e scuvri tge ch’ins po tut vesair en l’exposiziun.

Spazi 2 Spazi 1 Spazi 3 Spazi 4

Dauerausstellung