Viandar

Il Parc Naziunal Svizzer è in veritabel paradis da viandar cun sia rait da sendas da total 80 km.

Las 21 rutas porschan insatge per in e scadin. Per che Vus possias giudair la natira en tut sia bellezza e diversitad, ans èsi impurtant d’As render attent a las suandantas reglas da cumportament.

Il Parc Naziunal Svizzer è in parc alpin situà tranter 1400 e 3200 m s.m. Bleras turas includan grondas differenzas d’autezza e van fin sur il cunfin dal guaud.

Per la plipart da las turas dovri chalzers da trekking u da muntogna cun in bun profil. Els èn indispensabels sch’i plova u naiva. En las autas muntognas ed en la naiv pon ins viandar cun pass segir mo cun chalzers da muntogna solids.

En il satgados tutgan crema ed egliers da sulegl, mantè da plievgia, vestgadira chauda e vestgadira da reserva, charta e guid da viandar, perspectiv, ina pitschna apoteca ed avunda proviant e da baiver.