E020 Bild&Text mit Links Element
Il Parc Naziunal Svizzer appartegna als territoris da las Alps protegids il meglier. Qua maina la natira ina reschia illimitada, nus daventain perditgas da la dinamica natirala. Gidai a minimalisar nossa influenza umana e da mantegnair quest reservat natiral unic.
Las disposiziuns davart la protecziun da la natira sa basan sin la lescha davart il Parc Naziunal e vegnan enumeradas detagliadamain en l’ordinaziun.
Qua ün extract da l’ordinaziun dal parc naziunal:
- Las sendas da viandar marcadas sco er las plazzas da pausadi marcadas cun posts grischs na dastgan betg vegnir bandunadas
- Laschar enavos nagin rument
- Betg prender cun sai objects natirals sco flurs, lains, craps u animals
- Nagins chauns, era betg a la corda
- L’enviern è il Parc Naziunal serrà (zona da paus per la selvaschina)
- Nagins sports d’enviern (turas da skis u gianellas), nagins velos ed urdains da sgular
- Betg far bogn en lais ed auals
- Betg far fieu
- Naginas pernottaziuns, era betg sin parcadis lung la via dal Fuorn
- La natira na dastga betg vegnir transfurmada
- Nagina utilisaziun da dronas ed auters apparats aviatics: pagina d’internet da l’Uffizi federal d’aviatica civila
E010 Textblock-Element
Ils guardians dal Parc Naziunal veglian che las reglas vegnian observadas ed aviseschan cuntravenziuns.
Mo sche tut nossas var 120’000 visitadras e visitaders resguardan questas reglas, han tuts las medemas schanzas d’observar la natira.