Glinera alpina

Linaria alpina

Questa plantina delicata è fitg resistenta.

Tar la glinera alpina han ins mintgatant l’impressiun che las flurs da colur intensiva ans guardian cun ina bucca averta u ans mussian schizunt la lieunga. Questa planta robusta crescha sin gondas da chaltschina u da dolomit fin ad in’autezza da 3000 m. En il Parc Naziunal è ella per exempel da chattar si Murter, entadim la Val Plavna e sin la Fuorcla Trupchun.