Sanetsch d'assens

Senecio abrotanifolius

Questa cumposita cun sia colur oranscha intensiva è fitg populara.

Blers giasts dumondan suenter la planta mellen oranscha fin cotschen oranscha che flurescha il fanadur ed avust en grond dumber. Ella po esser fin a 40 cm auta. Il sanetsch d’assens è ina planta da las Alps orientalas che crescha be a l’ost da l’En. La planta preferescha guauds clers da tieus alpins e pastgets sitgs cun blera crappa.

Il num tudestg da la planta, «Greiskraut», sa referescha als portaflurs sflurids che guardan or sco il chau d'in vegl.