Il schember è ina spezia da tieu cun tschintg guglias. El preferescha lieus sumbrivauns.
Il schember crescha, ensemen cun il laresch, fin al cunfin dal guaud. La producziun da sems ha lieu be mintga 6-10 onns. L’enviern supporta il schember temperaturas da fin a –40°C! Tar il schember furman tschintg guglias lungas e lomas in tschof.
Circa mintga diesch onns portan blers schembers a medem temp grondas betschlas pesantas che savuran da rascha. Tranteren furman els era singulas betschlas pli pitschnas. Per lur derasaziun han ils schembers ina partenaria: la cratschla zuppa nuschpigna sco provisiun d’enviern.
Ils schembers dovran per schermigliar in terratsch cun bler umus. Las nuschpigna zuppadas da la cratschla 3 fin 5 cm en la terra han cundiziuns idealas per schermigliar. Blers schembers han resistì fin a 1000 onns a vents ed auras, a chametgs e scheliras. Dal reminent: avais Vus gia respirà oz l’odur dal schember? Quasi mintga ustaria en Engiadina ha ina stiva da schember che derasa la buna odur dal lain da schember.Ils schembers al cunfin dal guaud sa dostan endinadamain cunter las cundiziuns da viver pauc ospitaivlas. Quest cumbat permanent ha laschà ses fastizs.
