Sch’ins guarda bain, ves’ins en tschertas chaltschinas las restanzas da corallas petrifitgadas. Questas corallas vivevan avant var 200 milliuns onns en in grip da corallas a l’ur d’in ocean.

Polips da corallas èn animalets che creeschan plaun a plaun ils grips da corallas cun agid da chaltschina. Ils grips da corallas appartegnan als spazis da viver ils pli multifars dal mund. Quai n’era er avant 200 milliuns onns betg auter. En questas chaltschinas èn era mantegnidas restanzas da conchiglias, glimajas, peschs e saurs-pesch.
Suenter che quests animalets èn morts, èn lur crosa chaltschinusa e lur skelets sfundrads. Entaifer milliuns d’onns èn sa furmads uschia veritabels santeris – a sedimentaziuns da chaltschina da plirs meters autezza.
Oz chattain nus quests craps plain fossils per exempel si Murtèr sin in’autezza da 2500 m, lunsch davent da l’ocean tropic.

To top