wilder Wald mit Totholz

Guauds alpins

In guaud alpin è dapli che be la summa da las plantas

Spazi da viver per animals e plantas, protegia cunter lavinas ed ha l’effect d’in pulmun verd

Ils guauds cuvran var in terz da la surfatscha dal Parc Naziunal.

Il guauds alpins tipics per la regiun consistan da pigns, lareschs, schembers e tieus alpins. En il Parc Naziunal èsi in pau auter: en temps passads èn blers da ses guauds vegnids tagliads pliras gia cumplettamain. Oz è la cuntrada dominada da guauds da pionier cun tieus alpins. Ins numna perquai quests guauds era “guauds dal Pass dal Fuorn”.

Quest guaud alpin maschadà in la Val Cluozza sa cumpona da schembers, zundra, lareschs e pigns.

La derasaziun dals guauds è limitada en il Parc Naziunal pervi da l’autezza. Las zonas sut il cunfin dal guaud èn pli u main cuvertas da guauds. Ils davos 100 onns è creschida la part da guauds en il Parc Naziunal ed en l’entira regiun da l’Engiadina e da la Val Müstair, perquai ch’i na vegn betg pli taglià tanta laina.

 

E020 Bild&Text mit Links Element
wilder Wald mit Totholz wilder Wald mit Totholz

Guaud selvadi

Guauds selvadis genuins na datti nagins pli en il Parc Naziunal.

Sche l’uman n’intervegn betg en il guaud u utilisescha quel mo fitg darar, lura discurrin nus d’in guaud selvadi. L’utilisaziun da laina intensiva en il territori dal Parc ils ultims tschientaners ha transfurmà fermamain il maletg natiral dal guaud. Ils guauds selvadis en il Parc Naziunal èn perquai daditg svanids. Oz datti mo anc fitg paucas restanzas en lieus inaccessibels.

Lain marsch è spazi da viver per numerus organissems e materia da basa per nova vita. En il Parc Naziunal restan las plantas derschidas per terra, quai che correspunda al ciclus da la natira. Ils guauds en il Parc Naziunal na vegnan utilisads e sa sviluppan damai puspè vers il stadi da guaud selvadi.

 

E020 Bild&Text mit Links Element

Cunfin dal guaud

En l’Engiadina è il cunfin dal guaud sin 2300 m s.m.

Il cunfin dal guaud dependa en emprima lingia dal clima. En costas exponidas e cun grondas precipitaziuns al nord da las Alps è il cunfin sin 1600 fin 1800 m, en l’Engiadina protegida munta quel però fin 2300 m. Er il Vallais ha relaziuns sumegliantas.

Il cunfin dal guaud n’è betg ina lingia clera, la midada dal guaud als prads alpins è successiva. Il cunfin dal guaud cumpiglia er anc las singulas plantas il pli sisum. L’illustraziun mussa la vart dretga da la Val Trupchun.

Las plantas isoladas sur il cunfin dal guaud han ina dira sort.

Vent, erosiun, naiv e lavinas smanatschan quest laresch entadim la Val Trupchun. Forsa devi qua pli baud in guaud cumpact, restà è oz anc ina suletta planta. Il cunfin dal guaud è suttapost tant a midadas climaticas sco er ad influenzas umanas.

En la zona dal cunfin dal guaud crescha en blers lieus dal Parc zundra struptgada. La tschinta da laina storta consista tant da tieus alpins, sco era da schembers, grusaida, giglidra ed autras chaglias. Grazia a lur creschientscha bassa pon las chaglias resister meglier al vent.

To top