L’atun vegnan ils dis pli curts e las temperaturas sa sbassan. Savens scheli la notg ed en regiuns pli autas resta la naiv per terra. En tscherts lieus pon las sendas esser scheladas, quai pretenda attenziun speziala. Per plaschair As infurmai en il Center dal Parc davart la situaziun da las sendas avant che far ina tura en regiuns pli autas.Il pli grond spectacul en il Parc Naziunal insceneschan ils tschients taurs-tschierv en chalur che sa concurrenzeschan per la favur da las vatgas. Sper ils lareschs mellens è il berglar dals tschiervs il segn caracteristic il pli impurtant da la regiun dal Parc Naziunal. A partir da mez settember sa mida la Val Trupchun en in’arena da tschiervs cun in grond dumber d’aspectaturs. La chalur dura fin la prim’emna d’october.
To top