L’enviern è il temp da paus. Il Parc Naziunal Svizzer è serrà durant quest temp per visitaders.
A partir da mez november hai per il solit gia tanta naiv che las sendas n’èn betg pli bain visiblas. Il privel da lavinas crescha. Il Parc resta uss serrà fin il matg. Per ch’ils animals na vegnian betg disturbads en lur quartiers d’enviern n’è il Parc Naziunal era betg accessibel cun skis e gianellas.
L’enviern sa retira la selvaschina en ses quartiers d’enviern che porschan vivonda e protegian in pau da las auras crivas. Ella ha pli grondas schanzas da surviver, sch’ella na vegn betg disturbada da l’uman e perda energia sin la fugia.La via dal Pass dal Fuorn è averta l’enviern per segirar la colliaziun cun la Val Müstair. Entaifer il Parc Naziunal èn serrads l’enviern ils parcadis lung la via dal Pass dal Fuorn ed era l’Hotel Parc Naziunal Il Fuorn.
scumond da pavlar
