Alps

14 parcs naziunals, 40 parcs regiunals, passa 230 territoris da protecziun sur 100 hectaras e pli che 20 autras zonas da protecziun pli grondas furman ina rait da passa 300 territoris da protecziun en las Alps. Els possedan ina cuntrada natirala singulara ed ina ritga ierta culturala. En il rom da la rait da reservats alpins han els la pussaivladad da barattar ideas ed experientschas.

La rait da reservats alpins Alparc è in’applicaziun directa da la Convenziun da las Alps. Ina gruppa da coordinaziun plurilingua retschertga en favur da la rait ils basegns communabels dals reservats, derasa infurmaziuns, promova la communicaziun e coordinescha programs da barat.