Scolas

Ils uffants, ils creschids da damaun, dovran la natira per pudair emprender da viver e d’agir cun responsabladad.

La pedagogia da la natira è in’incumbensa impurtanta da mintga parc naziunal. Il contact ch’ils uffants han gia da pitschen cun la natira è decisiv per lur chapientscha da la natira da pli tard.

Sper las purschidas da l’educaziun ambientala averta per tut las visitadras ed ils visitaders, avain nus era differentas offertas che sa drizzan explicitamain a scolas ed intermediaders.
Nossas excursiuns pedagogicas permettan da far experientschas directas cun la natira. Noss material didactic davart l’exposiziun permanenta en il Center dal Parc permetta da lavurar a moda precisa e structurada. En spezial per scolastas e scolasts purschain nus curs da perfecziunament annuals.