Luf

Da strusch in auter animal datti tants raquints sco dal luf.

Nus tuts enconuschain da pitschen ensi las paraulas dals frars Grimm, era quella da Chapitscha cotschna ch’aveva tema dal luf. En Svizra è il luf vegnì persequità senza remischun ed extirpà en il 19avel tschientaner. Nums locals cun «luf» ans regordan a lur preschientscha.

Quest chaun selvadi che viva en trieps po s’adattar fitg bain a l’ambient. Avant paucs onns al èsi reussì da passar da la peninsla apennina en las Alps al cunfin da l'Italia e da la Frantscha. Intgins lufs èn gia arrivads en Svizra e vegnan er a chattar la via vinavant vers l’ost. In luf viva dapi plirs onns en Surselva.
En il Parc Naziunal na vegnan reintroducids ni urs ni lufs-tscherver ni lufs. Animals che immigreschan independentamain èn però fitg bainvegnids ed en mintga cas protegids entaifer ils cunfins dal Parc.