Urs brin

Ils urs brins han vivì durant millennis en noss guauds fin ch’els èn vegnids extirpads.

L’onn 1904 han ils dus chatschaders Jon Sarott Bischoff e Padruot Fried schluppettà en la Val Mingèr, sin territori dal Parc Naziunal fundà diesch onns pli tard, il davos urs autocton da la Svizra.

Ils ultims onns han ins reintroducì l’urs brin en il parc natiral Adamello-Brenta en il Trentino. Il 2005 è l’emprim urs giuven immigrà en la regiun dal Parc Naziunal. Dus ulteriurs animals èn arrivads l’onn 2007. Igl è tgunsch pussaivel che ulteriurs urs vegnan a visitar en l’avegnir la regiun.

Dapli davart l’urs vegnis Vus a savair en l’exposiziun da l’urs en il Museum Schmelzra e sin la senda da l’urs a S-charl.