La dafna sa tradescha tras sia odur intensiva.
Dafna strivlada Daphne striata (foto survart)
Dafna paivretta Daphne mezereum (foto sutvart)
Omaduas spezias da la famiglia da dafnas furman pitschnas chaglias ed èn tissientadas. La dafna strivlada è pli derasada en il Parc Naziunal, cunzunt en ils guauds da tieus alpins.
La dafna paivretta flurescha gia la fin d’avrigl/entschatta matg, ditg avant ch’ella ha furmà ses fegls. L’atun portan las chaglias coclas radundas cotschnas purpur.
En ils guauds da tieus alpins dal Parc Naziunal è la dafna strivlada ina da las plantas cun flur las pli derasadas. Il zercladur è il guaud da tieus emplenì da sia odur. Las coclas brin oranschas han ina furma ovala.