Sin ina platta da crap stippa en la Val dal Diavel han geologs scuvrì il 1961 passidas petrifitgadas da dinosaurs. Il 1981 han ins examinà e documentà detagliadamain quest chat sensaziunal. Ils scienziads han cartà passa 200 passidas sin la platta da crap da 220 milliuns onns.
A l’ur sisum da la platta pudain nus vesair fitg bain la passida pli lunga d’in prosauropod. In fastiz è 40 cm lung! Ils prosauropods avevan ina lunghezza dal corp da 5 fin 8 m e sa nutrivan da plantas. La platta è situada sin 2450 m s.m. ed è fitg periclitada da crappa che croda surengiu. Deplorablamain na po ella betg vegnir visitada. Da la Chamanna Cluozza èn ils fastizs pli gronds però bain visibels cun in bun perspectiv.
Novas passidas
Il 2007 ha Domenic Godly, guardian dal Parc, scuvert ulteriuras passidas da dinosaurs en la Val Tantermozza.