Aura e vent

Nagin auter spazi da viver n’è talmain expost a l’aura ed al vent sco las autas muntognas. Temperaturas extremas e vents burascus pretendan da tuttas creatiras ina resistenza maximala.

En las autas muntognas èn las temperaturas medias sur onn enturn u sut nulla. Las temperaturas minimalas e maximalas sa movan tranter –40 e +60°C! Ferms vents sfradentan anc dapli. La naiv è bain ina protecziun excellenta cunter il fraid, ma en lieus exponids vegn ella suflada davent regularmain.

Il clima sitg ed il terren magher da dolomit n’èn betg gist in spazi da viver fitg favuraivel per ina vegetaziun en las autas muntognas dal Parc Naziunal.