Cun la marschauna returnan las colurs e la vita en il Parc Naziunal.
Il matg poi tuttavia anc dar navaglias pli grondas en il Parc Naziunal. L’avrigl ed il matg ramplunan savens aval grondas lavinas da chaud che stgarpan davent tut fin al tschispet.Vers la fin da matg èn danovamain libras las emprimas sendas en las regiuns pli bassas e suleglivas dal Parc Naziunal. Turas en regiuns pli autas anc cuvertas da naiv pon ins far pir vers la fin da zercladur. Quest temp paschaivel è adattà per observar ils animals, cunzunt ils utschels èn particularmain activs durant lur temp da cuar.

A partir da mez zercladur flureschan numerusas flurs alpinas.
Ils guauds da tieus èn emplenids da l’odur da la dafna strivlada Daphne striata. A l’entschatta da zercladur dominescha l’erica cotschna Erica camea ils guauds dal Parc Naziunal. La primavaira è particularmain adattada per observar la selvaschina.Suenter in lung enviern dovra la selvaschina puspè vivonda frestga. Ils animals pasculeschan sin las emprimas surfatschas verdas en regiuns pli bassas e là als pon ins alura observar fitg bain.
To top