Geoinfurmaziun

Er il Parc Naziunal na po betg pli desister dal computer. Cun agid da sistems d’infurmaziun geografica (SIG) pon ins administrar ed analisar datas digitalas relativas al lieu.

Il sistem d’infurmaziuns geograficas dal Parc Naziunal datescha dal 1992 d’ina iniziativa da la Cumissiun da retschertga e da l’Institut geografic da l’universitad da Turitg. Dapi l’entschatta 2000 è il SIG in nov sectur en l’administraziun dal Parc Naziunal.

Grazia a la tecnologia da computer la pli moderna porscha il SIG la pussaivladad da cumbinar ina cun l’autra datas dals pli differents secturs spezials. Uschia pon ins elavurar cumplettamain grondas quantitads da datas. In ulteriur pass è la simulaziun da process natirals, per exempel la derasaziun d’in incendi da guaud.

En il decurs dals decennis da perscrutaziun dal Parc Naziunal s’han rimnadas entiras retschas da datas impurtantas. Questas datas vegnan cumplettadas cun observaziuns actualas e surlavuradas en il SIG. Qua tras pon ins documentar e chapir meglier process da lunga durada.