Ranunchel da glatscher

Ranunculus glacialis

Il record d’autezza.

Il ranunchel da glatscher è ina planta da derivanza arctica e crescha unicamain sin terrens acidics, sco per exempel si Macun. Sia autezza preferida è sur 2300 m. La colur cotschnenta è differentamain ferma u manca mintgatant dal tut.

Il ranunchel da glatscher, che crescha al Finsteraarhorn sin 4270 m, è la planta da flur la pli autsituada en las Alps. Ella è ina spezia da gronda prestaziun. Sia «fabrica verda» è bler pli efficazia che quella d’ina planta che crescha en la val.